မြန်မာနိုင်ငံလေကြောင်းနှင့်အာကာသပညာတက္ကသိုလ်မိသားစု ဝါဆိုသင်္ဃန်းကပ်လှူပူဇော်ခြင်းအခမ်းအနား ကို ဇူလိုင်လ (၁၈) ရက် ၂၀၂၅ခုနစ်၊ နံနက်(၁၀)တွင်စတင်ပြီး သံဃာတော်များမှ ပရိတ်ကမ္မဝါများရွတ်ဖတ်ပူဇော်၍ ဝါဆိုသင်္ဃန်းကပ်လှူပူဇော်ခြင်းအကျိုးတရားအားဟောကြားကာ ပါမောက္ခချုပ်မိသားစု၊ ဒုပါမောက္ခချုပ်မိသားစု၊ ပါမောက္ခချုပ်(ဗန်းမော်-CU) မိသားစု၊ ပါမောက္ခချုပ်(ဗန်းမော်-TU) မိသားစု၊ ဌာနမှူးများ၊ ဆရာ၊ ဆရာမများ၊ ဝန်ထမ်းမိသားစုများနှင့် ကျောင်းသား၊ ကျောင်းသူများက နေ့ဆွမ်း၊ အချိုပွဲများ ဆပ်ကပ်လှူဒါန်းပြီး ပါမောက္ခချုပ်နှင့် ဒုပါမောက္ခချုပ်တို့မှ ရွှေမိုး၊ ငွေမိုးများကြဲပက်၍ အခန်းအနားကို အောင်မြင်စွာရုပ်သိမ်းခဲ့ပါသည်။

မြန်မာနိုင်ငံလေကြောင်းနှင့်အာကာသပညာတက္ကသိုလ်သို့ Irrawaddy Green Tower Ltd.(IGT) မှ ပညာရည်ထူးချွန်သော ဘွဲ့ရကျောင်းသား/သူများကို အလုပ်သင်အဖြစ်ခေါ်ယူသည့် Campus Recruitment 2024 ကျင်းပပြုလုပ်။

                မြန်မာနိုင်ငံလေကြောင်းနှင့်အာကာသပညာတက္ကသိုလ်သို့ Irrawaddy Green Tower Ltd.(IGT) မှ ပညာရည်ထူးချွန်သော ဘွဲ့ရကျောင်းသား/သူများကို အလုပ်သင်အဖြစ်ခေါ်ယူသည့် Campus Recruitment 2024 အခမ်းအနားအား ၁၆-၃-၂၀၂၄(စနေနေ့) နံနက် (၁၀း၀၀) နာရီတွင်စတင်ကျင်းပခဲ့ရာ

                   - အခမ်းအနားတက်ရောက်သူများ မှတ်ပုံတင်ခြင်း။

                   - IGT မှ တာဝန်ရှိသူက နှုတ်ခွန်းဆက်စကားပြောကြားခြင်း။

                   - IGT တွင်လက်ရှိတာဝန်ထမ်းဆောင်နေသော MAEU ကျောင်းသားဟောင်းများမှ ပညာရပ်ဆိုင်ရာများ၏လက်တွေ့လုပ်ငန်းခွင်အသုံးဝင်ပုံများအား ရှင်းလင်းပြောကြားခြင်း။

                   - Internship မှ လက်ရှိဝန်ထမ်းအဖြစ် ဆက်လက်တာဝန်ထမ်းဆောင်နေသူများမှ အတွေ့အကြုံများအားရှင်းလင်းပြောကြားခြင်း။

                   - မေးခွန်းများဖြေကြားခြင်း။

                   - IGTမှနေ့လည်စာဖြင့်ကျွေးမွေးဧည့်ခံခြင်း။

                   - အလုပ်သင်လျှောက်ထားသော ကျောင်းသား/သူများအားရေးဖြေ စာမေးပွဲစစ်ဆေးခြင်း။

                   - လူတွေ့စစ်ဆေးခြင်း။

တို့ကိုအစီအစဉ်အတိုင်းကျင်းပခဲ့ပြီး၊ ခေတ္တပါမောက္ခချုပ်၊ ဒုတိယပါမောက္ခချုပ်၊ ဌာနမှူးများ၊ ဆရာ/မများ၊ ကျောင်းသား/သူများ၊ စုစုပေါင်း(၁၂၆) ဦးတက်ရောက်ခဲ့ပြီး အခမ်းအနားအား ညနေ(၅း၀၀)နာရီတွင် အောင်မြင်စွာရုပ်သိမ်းခဲ့ပါသည်။ 

မြန်မာ့ဓလေ့ရိုးရာယဉ်ကျေးမှုအစဉ်အလာကို ထိန်းသိမ်းစောင့်ရှောက်တတ်စေရန်၊ ဝန်ထမ်းများအချင်းချင်း ရုံးလုပ်ငန်းများဆောင်ရွက်ရာတွင် အပြန်အလှန်ညီညွတ်မျှတစွာဖြင့် အသင်းအဖွဲ့စိတ်ဓာတ်ကို အရင်းခံပြီး စည်းစည်းလုံးလုံးညီညီညွတ်ညွတ် ဝိုင်းဝန်းကြိုးပမ်းဆောင်ရွက်တတ်စေရန်၊ တစ်ဦးနှင့်တစ်ဦး အပြန်အလှန်ချစ်ကြည်ရင်းနှီးမှုနှင့် ပျော်ရွှင်မှုတို့ကိုရရှိစေရန် ရည်ရွယ်ချက်များဖြင့် မြန်မာနိုင်ငံလေကြောင်းနှင့်အာကာသပညာတက္ကသိုလ်၏ မြန်မာ့ရိုးရာထမနဲထိုးပြိုင်ပွဲကို ၂၄၊ ၂၊ ၂၀၂၄ ရက်နေ့နံနက်ပိုင်းတွင် မြန်မာနိုင်ငံလေကြောင်းနှင့်အာကာသပညာတက္ကသိုလ်၊ မိတ္ထီလာမြို့ ၌ စည်ကားသိုက်မြိုက်စွာကျင်းပခဲ့ပါသည်။
ရှေးဦးစွာ မြန်မာနိုင်ငံလေကြောင်းနှင့်အာကာသပညာတက္ကသိုလ်၊ ခေတ္တပါမောက္ခချုပ် ဒေါက်တာအောင်မျိုးသူမှ အဖွင့်အမှာစကားပြောကြားပြီး၊ ပြိုင်ပွဲဆုရွေးချယ်ရေးဒိုင်အဖွဲ့မှ အမှတ်ပေးရွေးချယ်ခဲ့မှုအခြေအနေများကိုရှင်းလင်းပြောကြားကာ ပထမဆု၊ ဒုတိယဆု၊ တတိယဆုနှင့် နှစ်သိမ့်ဆုရအဖွဲ့များကိုထုတ်ပြန်ကြေညာ၍ ဒုတိယပါမောက္ခချုပ် ဒေါက်တာမိုးသန္တာကြည်မှ ပြိင်ပွဲဝင်အဖွဲ့များကိုဆုများပေးအပ်ချီးမြင့်ခဲ့ပါသည်။