မြန်မာနိုင်ငံလေကြောင်းနှင့်အာကာသပညာတက္ကသိုလ် မြန်မာ့ရိုးရာထမနဲထိုးပြိုင်ပွဲကျင်းပ။

မြန်မာ့ဓလေ့ရိုးရာယဉ်ကျေးမှုအစဉ်အလာကို ထိန်းသိမ်းစောင့်ရှောက်တတ်စေရန်၊ ဝန်ထမ်းများအချင်းချင်း ရုံးလုပ်ငန်းများဆောင်ရွက်ရာတွင် အပြန်အလှန်ညီညွတ်မျှတစွာဖြင့် အသင်းအဖွဲ့စိတ်ဓာတ်ကို အရင်းခံပြီး စည်းစည်းလုံးလုံးညီညီညွတ်ညွတ် ဝိုင်းဝန်းကြိုးပမ်းဆောင်ရွက်တတ်စေရန်၊ တစ်ဦးနှင့်တစ်ဦး အပြန်အလှန်ချစ်ကြည်ရင်းနှီးမှုနှင့် ပျော်ရွှင်မှုတို့ကိုရရှိစေရန် ရည်ရွယ်ချက်များဖြင့် မြန်မာနိုင်ငံလေကြောင်းနှင့်အာကာသပညာတက္ကသိုလ်၏ မြန်မာ့ရိုးရာထမနဲထိုးပြိုင်ပွဲကို ၂၄၊ ၂၊ ၂၀၂၄ ရက်နေ့နံနက်ပိုင်းတွင် မြန်မာနိုင်ငံလေကြောင်းနှင့်အာကာသပညာတက္ကသိုလ်၊ မိတ္ထီလာမြို့ ၌ စည်ကားသိုက်မြိုက်စွာကျင်းပခဲ့ပါသည်။
ရှေးဦးစွာ မြန်မာနိုင်ငံလေကြောင်းနှင့်အာကာသပညာတက္ကသိုလ်၊ ခေတ္တပါမောက္ခချုပ် ဒေါက်တာအောင်မျိုးသူမှ အဖွင့်အမှာစကားပြောကြားပြီး၊ ပြိုင်ပွဲဆုရွေးချယ်ရေးဒိုင်အဖွဲ့မှ အမှတ်ပေးရွေးချယ်ခဲ့မှုအခြေအနေများကိုရှင်းလင်းပြောကြားကာ ပထမဆု၊ ဒုတိယဆု၊ တတိယဆုနှင့် နှစ်သိမ့်ဆုရအဖွဲ့များကိုထုတ်ပြန်ကြေညာ၍ ဒုတိယပါမောက္ခချုပ် ဒေါက်တာမိုးသန္တာကြည်မှ ပြိင်ပွဲဝင်အဖွဲ့များကိုဆုများပေးအပ်ချီးမြင့်ခဲ့ပါသည်။